longwaytocalabasas

اغنيه the girl who stole my heart هي الوصف الحرفي لضياع اولى ثانوي الي كان مليان بالتساؤلات اكثر شي يعور هو وصف الانتظار الي ما له وجهه لما يتكلم عن فكره انه جالس ينتظر وبيده هدايا وهي تعبر عن كميه المشاعر والتفاصيل الي جمعتها وفي النهايه بقت هدايا ما وصلت لاحد العمق الي يصور الحيره في تساؤله اذا كانت تدري فعلا وش الي يبيه والخوف المر من ان صدقك ممكن يكون سبب في هروب الشخص الي تحبه الاغنيه تشبهني بشكل كبير لاني عشت كل حرف فيها بصدق وتألمت من نفس الانتظار الضايع اتأمل كيف كان كل ذاك الجهد العاطفي مجرد سعي ورا سراب وكيف ان السنين هذيك بكل ثقلها انتهت بشعور اني غريبه وغير مفهومه

يالله يالله يالله يالله اغنيه Futile Device دايم بترتبط عندي بالبدايات يوم كنت المح لها بهالاغنيه وانا ميته في تفاصيلها من ملامحها لين ابسط حركاتها احب كيف الاغنيه تقول ان الكلمات احيانا تكون تافهه وعاجزه قدام تأثير اللحظات البسيطه الي تصنع شعور الامان الي كنت احسه بوجودها وهو يغنيني عن اي محاوله للكلام او التعبير لما اسمعها الحين اتذكر كيف كان شعوري اكبر من مجرد كلمه احبك لان الكلمات فعلا كانت وسائل عاجزه