اغنيه Touch تجسد حاله الانهيار الهادي لما الواحد يوصل لمرحله يدعي فيها انه بخير وهو في قمه حاجته لاي شي يشتت ضياعه الاغنيه توضح التناقض البشع بين القرب الجسدي والبعد العاطفي لما يكون الطرف الثاني موجود بجسمه بس روحه غايبه او فجأه يقرر يعاملك كأنك مجرد عابر
"i was hurting so i took a shower so u couldn't hear me knowing i had to cry sad to know that while my heart was breaking u were sleeping or just faking"كلامه هنا يختصر كميه الكبرياء المكسور ومحاوله انه يخفي الضعف عن الشخص الي هو اصلا سبب الكسر من الاساس وهذا يعكس الوجع لما تكتشف ان قلبك جالس يحترق والطرف الثاني غارق في نومه او يتصنعه
اللمسه في الاغنيه كأنها فخ تعطي امل كذاب بالرجعه لكن بالنهايه تترك الواحد غرقان فيه وحده اكبر لان هذا القرب ما كان كافي ابد الاغنيه تشبه شعور الي يعطي اغلى ما عنده عشان يبقى على قيد الحياه بس بالاخير يكتشف انه جالس يطارد شخص ما يعرفه
اغنيه Neon moon هي التجسيد الحقيقي للفراغ الي تركته خلفها الفراغ الي ما زلت اؤمن ان ما فيه احد غيرها يقدر يمليه اكثر شي يلمسني هو فكره المساحه المتروكه لما يحجز طاوله لشخصين في زاويه بعيده وهو في الحقيقه جالس يواجه وحدته هذي الحركه توصف كميه التمسك بالشخص وكيف اننا نهيئ مكان لروح غايبه وننتظرها تمليه وهي اصلا اختارت الغياب
الطريقه الي تصور فيها الاغنيه حاله التصالح مع الانكسار وكيف ان الوجع صار هو الرفيق الي ما يرحل ain’t never gonna end كل ما اسمعها يجيني شعور غريب جدا واقعد افكر كيف كانت كل هذيك الوعود والحريه مجرد سراب وكيف ان علاقتي انتهت بشعور باهت
اغنيه the girl who stole my heart هي الوصف الحرفي لضياع اولى ثانوي الي كان مليان بالتساؤلات
اكثر شي يعور هو وصف الانتظار الي ما له وجهه لما يتكلم عن فكره انه جالس ينتظر وبيده هدايا وهي تعبر عن كميه المشاعر والتفاصيل الي جمعتها وفي النهايه بقت هدايا ما وصلت لاحد
العمق الي يصور الحيره في تساؤله اذا كانت تدري فعلا وش الي يبيه والخوف المر من ان صدقك ممكن يكون سبب في هروب الشخص الي تحبه
الاغنيه تشبهني بشكل كبير لاني عشت كل حرف فيها بصدق وتألمت من نفس الانتظار الضايع
اتأمل كيف كان كل ذاك الجهد العاطفي مجرد سعي ورا سراب وكيف ان السنين هذيك بكل ثقلها انتهت بشعور اني غريبه وغير مفهومه
يالله يالله يالله يالله اغنيه Futile Device دايم بترتبط عندي بالبدايات يوم كنت المح لها بهالاغنيه وانا ميته في تفاصيلها من ملامحها لين ابسط حركاتها
احب كيف الاغنيه تقول ان الكلمات احيانا تكون تافهه وعاجزه قدام تأثير اللحظات البسيطه الي تصنع شعور الامان الي كنت احسه بوجودها وهو يغنيني عن اي محاوله للكلام او التعبير
لما اسمعها الحين اتذكر كيف كان شعوري اكبر من مجرد كلمه احبك لان الكلمات فعلا كانت وسائل عاجزه
اخ هالاغنيه هي حرفيا شعوري الحين لانها توصف كيف اني للحين عالقه في ذكراها ورافضه اصدق انها راحت
مستحيل احد يفهم او يحس بالشعور الي احسه وانا اسمع هذي الاغنيه وكيف انها قادره تبكيني بكل مره اسمعها لانه صدق there’s no one like her
اصعب شعور توصله الاغنيه هو الرفض التام لاي شخص جديد مهما مرو ناس ومهما حاولو يملون الفراغ احس ان كل شي فيني يرفض يشوف غيرها او حتى انه يحس بنفس الاحساس الي حسيته معها وهذا بالضبط الي توصفه كلمات الاغنيه
الاغنيه تبكيني لانها تواجهني بالحقيقه الي احاول اهرب منها
لما اسمعها اتأمل كيف ان الحب الصادق يخليك ترفضين البدائل بكل قناعه وتفضلين تعيشين على بقايا شعور حقيقي ولا تفتحين باب لشخص جديد ما راح يملي الفراغ الكبير الي تركته and no one but her can fill this void
